თერმო ფურცელის მეშვეობით ტექსტილზე ბეჭდვა, არის ყველაზე მარტივი მეთოდი და მოითხოვს მინიმალურ საინვესტიციო ხარჯებს. ბეჭდვის დასაწყებად, აუცილებელი დანადგარების ჩამონათვალი შემოიფარგლება მხოლოდ ლაზერული პრინტერით და თერმული პრესით.
გთხოვთ გაითვალისწინოთ, რომ ლაზერული პრინტერის ფურცელი და ჭავლური პრინტერის ფურცელი ერთმანეთისგან განსხვავდება.
როგორც მოგეხსენებათ, ბეჭდვის, ერთ-ერთი თავარი პირობაა, თეთრი ფერის საბეჭდი მასალა, რაზეც ბეჭდავს ესა თუ ის დანადგარი და შემდგომ ტექსტილზე თერმულად გადატანისას (გარდა თეთრი ფერის ქსოვილისა), ვიღებთ ფონად თეთრ ფერს.
ამ პრობლემის გადაწყვეტა შეგვიძლია, უფონო ბეჭდვის ორფურცლოვანი სისტემის ლაზერული თერმო ფურცლით.
ბეჭდვის მეთოდი შემდეგია: გამჭირვალე ფურცელზე ვბეჭდვათ სარკულად ლაზერული პრინტერით, იმ გამოსახულებას, რაც გვინდა, რომ გადავიტანოთ ტექსტილზე, ხოლო მეორე, თეთრ ფურცელს, დაბეჭდილ ფურცელზე ვადებთ და ვათავსებთ თერმო პრესში 150 გრადუსზე 25 წამი, შემდეგ ავხსნით ამ მეორე ფურცელს რომლისაგანაც უკვე მიიღო ნაბეჭდმა თეთრი ფონი და წებო, შემდეგ ვათავსებთ ტექსტილზე გამჭირვალე თერმო ფურცელს და ვპრესავთ 150 გრადუსზე 25 წამის განმავლობაში, შედეგად ვიღებთ უფონოდ გადატანილ სურათს.
